ГЛАВНАЯ » Родителям » Размаўляем па-беларуску

Размаўляем па-беларуску

ПАРАДЫ ТЫМ, ХТО ХОЧА РАЗМАЎЛЯЦЬ ПА-БЕЛАРУСКУ

  1. Пазбаўцеся страхаў

Сёння беларуская мова – мова культуры, інтэлігенцыі, а таксама мова для кожнага беларуса на ўсе выпадкі жыцця! Размаўляць па-беларуску – гэта сучасна, годна i модна!

  1. Папаўняйце свой слоўнікавы запас

Чытаючы кнігі, беларускамоўныя сайты i газеты; гледзячы агучаныя па-беларуску фільмы; слухаючы беларускамоўную музыку; усталюйце на камп'ютары праграмы з беларускім інтэрфейсам; выбірайце беларускую мову, карыстаючыся банкаматамі, інфакіёскамі   i г.д.

  1. Пішыце па-беларуску

Kaлi вам складана пачаць размаўляць,  пачніце з пісьмовай мовы. Мэйлы, эсэмэскі, паведамленні ў інтэрнэце, допісы ў сацсетках. Вашы знаёмыя пачнуць звыкацца да вас, беларускамоўнага, а вы знойдзеце новых беларускамоўных знаёмых.

  1. Звяртайцеся па-беларуску да незнаёмцаў

Псіхалагічны бар'ер прасцей за ўсё пераадолець з незнаёмымі людзьмі, якіх вы бачыце першы i апошні раз. Гэта прасцей, чым адразу пачаць размаўляць па-беларуску з бацькамі ці сябрамі, з якімі ўсё жыццё вы гутарылі па-руску.

  1. Наведвайце беларускія мерапрыемствы

Чуць жывую мову  вельмі важна, каб хутчэй авалодаць ёй самому. Яшчэ адзін спосаб  — вандроўкі з беларускамоўнымі экскурсаводамі i краязнаўцамі.

  1. Пачніце ўжываць мову ў побыце

Спачатку ў сям’і, потым на працы, у звыклых асяродках. Старайцеся размаўляць павольна  i прыгожа, каб суразмоўцам было яшчэ прасцей зразумець вас. Гэта яшчэ болей прыхіне людзей да вас.

  1. Пазнаёмцеся з дасведчанымі носьбітамі мовы

Растлумачце ім, што толькі вучыцеся. Папрасіце выпраўляць памылкі ў вашым маўленні i лексіцы. Уважліва слухайце, як гаворыць дасведчаны чалавек. Прасіце яго тлумачыць незразумелыя словы.

 

Чалавеку трэба шмат чаго ведаць. Трэба ведаць сваю мову і іншыя мовы. Трэба ведаць казкі свае і казкі іншых народаў. Трэба ведаць танцы свае і танцы іншых народаў. Але безумоўна, найлепш і найперш трэба ведаць усё роднае. Нам з вамі трэба ведаць найлепш усё беларускае.   

 

САЙТЫ, ЯКІЯ ДАПАМОГУЦЬ ВАМ  У ГЭТЫМ:

http://knihi.com/  

Беларуская палічка  -  беларуская электронная бібліятэка. Кнігі згрупаваны па раздзелах:  Айчынныя аўтары, Драматургія, Гісторыя і палітыка, Кулінарыя, Медыцына і іншыя.  Дзецям спадабаецца раздзел Дзіцячая літаратура. Таксама ёсць Газеты і часопісы, Слоўнікі і энцыклапедыі.

http://www.movananova.by/ 

Мова нанова - апытанкі, тэсты, медыятэкі, афішы.  Спецыяльна да дзяцей ёсць раздзел  Дзеткам.  Ён уключае падборку мультфільмаў на беларускай мове, вершы, коміксы, казкі, расфарбоўкі, песні.

https://budzma.by/

Будзьма беларусамі – сайт  для дарослых – актуаліі, меркаванні, маё права, гісторыя, літаратура, фотарэпартаж, афіша, «Будзьма» прапаноўвае.

http://kazki.by/

Казкі беларускія - Прыказкі, конкурсы, сцэнарыі, загадкі, калыханкі, прыпеўкі, вершыкі і шмат іншага для беларускіх дзетак

http://chitaemdetyam.com/

Чытаем дзецям  - На гэтым сайце Вы знойдзеце творы для чытання дзецям ад 1 года да 8 – 9 гадоў, як  на беларускай, так і рускай мове. Сайт дазваляе бацькам быць у курсе патрабаванняў навучальнай праграмы дашкольнай і першай ступені  агульнай сярэдняй адукацыі, падбіраць літаратуру для дзіцяці ў адпаведнасці з яго ўзростам. Ёсць некалькі падыходаў да пошуку твора:

  • Пошукпа спісе ўсіх твораў (беларускія, рускія, замежныя аўтары…)
  • Пошук па спісе, рэкамендаваным навучальнай праграмай (рэкамендавана ў РФ, у РБ (па групах)).

Вы зможаце паглядзець ілюстрацыі да твораў, пазнаць прозвішча мастака, праслухаць аўдыякнігу, ці паглядзець дыястужку.

http://belazar.info/

Белазар  - беларускія лінгвістычныя кампутарныя праграмы: перакладчык,  софт па-беларуску, кіно па-беларуску.

http://kazki.unicef.by/

Дзяцінства немагчыма ўявіць без казкі. У казцы ёсць адпаведная ўзросту дзіцяці інфармацыя, праз казку адбываецца яго навучэнне.

На гэтым сайце вы знойдзеце народныя казкі  для дзетак ад ЮНІСЕФ на беларускай мове.  

 

Беларускія сайты для дашкалят

05.08.2022
развернуть

Дзяцінства немагчыма ўявіць без казкі, таму што слухаць казкі, якія табе расказваюць тата і мама, бабуля ці дзядуля, ці добрая выхавацелька, калі бацькоў няма побач — гэта адно з правоў дзіцяці, запісаных у Канвенцыі аб правах дзіцяці. У ёй сказана, што дзіця мае права на зносіны і на ўвагу, на паўнавартаснае развіццё, на выражэнне сябе, на адпаведную свайму ўзросту і зразумелую ў гэтым узросце інфармацыю, а таксама на вывучэнне культуры свайго народу. Усё гэта ёсць у казках. Казкі вучаць і перасцерагаюць, казкі звязваюць нашых пра-прадзедаў ды пра-прабабуляў з намі. Казкі – гэта ўтульны вечар, калі клопаты вялікага свету засталіся за сценамі Вашага дому, а Вы і Ваш час належаць толькі Вашым дзецям. Казкі – гэта цэлы чароўны свет, у якім Вы падарожнічаеце разам, трымаючыся за рукі. Свет, у якім Вашае дзіця можа стаць веліканам і навучыць Вас, дарослага чалавека чаму-небудзь новаму.

“Вясёлка” – часопіс для дзяцей і іх бацькоў

http://www.veselka.by/

 

Спрыяе развіццю дзяцей, прышчапляе ім любоў да Радзімы і роднай беларускай мове, прылучае да творчасці (у рэдакцыю чытачы дасылаюць ўласныя вершы і казкі, а яшчэ малюнкі).

 

“Буся” – чытанка-маляванке для дашкольнікаў

http://www.veselka.by/?page_id=4543

Задачы чытанкі-маляванкі для дашкольнікаў - "Буся" - вельмі просценькія. Першая – упусціць у душу дзетак напеўную беларускую мову. Як можна без гэтага выхаваць беларуса, грамадзяніна? Ніяк! Другая задача – каб дзеці палюбілі гэту зямельку і разам з ёй – традыцыі, культуру, мудрасць яе людзей. І трэцяя задача – каб навучыліся паважаць тых, хто робіць для іх нешта, хто вядзе іх за руку па жыцці. Задачы простыя і вечныя.

 

Народныя казкі для дзетак ад ЮНІСЕФ

http://kazki.unicef.by/

Праект “Народныя казкі для дзетак” – створаны по ініцыятыве ЮНІСЭФ у Беларусі. Там Вы знойдзеце шмат цудоўных казак і гульняў для вашых дзетак на беларускай мове.

 

свернуть
Меню раздела