ГУЛЬНІ З КУФРА – УСІМ НА ПАЦЕХУ
20.10.2022ГУЛЬНІ З КУФРА – УСІМ НА ПАЦЕХУ
"Радзіма ў нас – бязмежная, спякотная і снежная.
Радзіма ў нас – цудоўная, багаццяў розных поўная!"
Гэтымі словамі васпітаннікаў старэйшай групы дзяржаўнай ўстановы адукацыі "Дзіцячы сад № 23 г. Віцебска"пачалася музычная забава "Гульні з куфра - усім на пацеху", задачай якой было фарміраваць уяўленні выхавальнікаў пра родную краіну – Рэспубліку Беларусь, беларускія народныя промыслы, элементы беларускага нацыянальнага касцюма, выхоўваць асновы маральных каштоўнасцей, працавітасць, любоў да роднага краю, пачуцце калектывізму пры ўзаемадзеянні з аднагодкамі і дарослымі.
Дзецьі спявалі песні, гулялі ў беларускія гульні, расказвалі вершы.
Але самым цікавым было зазіраць у куфар, які захоўваў шмат сакрэтаў, а потым даставаць з яго розныя рэчы: яркая хустачка паклікала дзетак у вяселую гульню-карагод "Іванка і Марылька". Каб у другую гульню пагуляць - трэба было загадку з куфра адгадаць.
Яшчэ куфар падрыхтаваў для хлопчыкаў і дзяўчынак сапраўдныя лапці, з якімі яны пагулялі ў гульню "Лапці".
Усе так цудоўна павесяліліся, што наш куфар сам заспяваў народную песню “А мы проса сеялі…”, тым самым запрашая дзяцей да новай гульні.
Кожнаму на развітанне і наказ і пажаданне:
Шанаваць наш край! Для высокіх парыванняў
Ад усходу да змяркання ў дабры сябе сцвярджай!